Sen haqiqatan ham kuchlimisan?

Tasavvur qil: sen contestda 1-o‘rinni olding.
Reyting oshdi. Odamlar tabriklayapti.

Lekin ichingda bir ovoz bor:

“Buni o‘zim qildimmi?”

AI kod yozdi.
AI algoritm topdi.
AI xatoni tuzatdi.

Sen faqat nusxa ko‘chirding.

Bugun yutding.
Lekin miyang o‘smadi.

Olimpiada — bu ball emas.
Bu — miyani chiniqtirish zali.

Qiyin masalada 40 daqiqa o‘tirib boshing qotgan payt —
mana shu haqiqiy rivojlanish.

AI esa bu jarayonni o‘g‘irlaydi.

U seni kuchsiz qiladi.
Sekin-asta mustaqil o‘ylash qobiliyatingni so‘ndiradi.

Bugun AI bor.
Ertaga intervyuda-chi?
Ertaga real muammoda-chi?
Ertaga hech kim yordam bermaganda-chi?

Haqiqiy programmer — muammo ko‘rsa qochmaydi.
U kurashadi.
Yengiladi.
Yana urinadi.
Va oxiri o‘zi topadi.

AI bilan yutish — oson.
O‘zing bilan yutish — sharaf.

Savol oddiy:

Sen reyting uchun yashaysanmi,
yoki kuchli bo‘lish uchunmi?