Masala E
O'quv markaz binosi
Robolandiya shahri xaritasi \(N×M\) o‘lchamdagi ikki o‘lchamli ko‘rinishda tasvirlangan. Bu shaharda dasturlashga qiziqqan bolalar soni juda ko‘p bo‘lib, ularning barchasi Robotics Lab o‘quv markaziga qatnamoqda. Ayni paytda o‘quvchilar soni shu qadar ortib ketdiki, mavjud binoda ularni joylashtirishning iloji qolmadi. Shu sababli, o‘quv markazi rahbari Zarif aka yangi bino qurishga qaror qildi.
Biroq, shaharning barcha joylariga bino qurish mumkin emas. Xaritada bino qurish mumkin bo‘lgan joylar # belgisi bilan, mumkin bo‘lmagan joylar esa . belgisi bilan belgilangan. Zarif aka allaqachon \(R×C\) o‘lchamdagi yangi bino loyihasini chizib chiqdi. Ushbu loyiha ham # va . belgilaridan iborat bo‘lib, # binoning qurilishi zarur bo‘lgan qismlarini, . esa bo‘sh joylarni anglatadi.
Muhim eslatma: Loyiha chizmasidagi har bir # belgisi shaharning aynan # belgisiga to‘g‘ri kelishi majburiydir. Loyiha chizmasidagi . belgilar esa shaharning istalgan nuqtasiga (# yoki ., hatto shahar tashqarisi ham) to‘g‘ri kelsa bo‘ladi. Boshqacha aytganda, faqat # larni moslashtirish zarur, . lar esa cheklovlarga ega emas. Loyihani aylantirish (rotatsiya) yoki ko‘zgudek akslantirish (mirror qilish) qat’iyan taqiqlanadi. Loyiha qanday ko‘rinishda berilgan bo‘lsa, aynan o‘sha holatda mos tushishi kerak.
Endi sizning vazifangiz — berilgan ikki chizmaga qarab, shaharning nechta turli nuqtasida ushbu loyihani to‘liq mos tarzda joylashtirish mumkinligini aniqlash.
Birinchi qatorda ikki butun son — \(R\) va \(C \ (1≤R,C≤16)\) beriladi. Ular loyiha chizmasining qatorlar va ustunlar sonini bildiradi.
Keyingi \(R\) ta qatorda har birining uzunligi \(C\) bo‘lgan loyiha chizmasi tasvirlanadi. Har bir belgining qiymati # yoki . bo‘ladi.
So‘ngra yana ikki butun son — \(N\) va \(M \ (1≤N, M≤64)\) kiritiladi. Ular shahar xaritasining qatorlar va ustunlar sonini bildiradi.
Keyingi \(N\) ta qatorda har birining uzunligi \(M\) bo‘lgan shahar xaritasi beriladi. Har bir belgining qiymati # yoki . bo‘ladi.
Loyiha bo'yicha eng kamida bitta bino qurilishi kafolatlanadi.
Yagona butun son — shahar xaritasining nechta turli joyiga loyiha chizmasini qo‘yish mumkinligini chiqaring.
| # | input.txt | output.txt |
|---|---|---|
| 1 |
3 3 #.. #.# #.. 5 36 #......#........................#... #.#....#.#...#.........#............ #......#.#...##....#...##......###.. .......#.....#...#.#...##........#.# ...................#.....#.......#.. |
4 |
| 2 |
2 2 #. ## 3 5 #.#.# ##### .###. |
4 |
Telegram kanalimizga obuna bo'ling