Masala E

Bir kuni Mirzabek va uning do‘sti Sardorbek zerikib, yangi qiziqarli o‘yin o‘ylab topdilar. O‘yinning boshida ular koordinata tekisligida N ta nuqta belgilab olishdi. O‘yin navbat bilan o‘ynaladi va birinchi bo‘lib Mirzabek boshlaydi. U koordinata o‘qlaridan biriga parallel bo‘lgan va belgilangan N ta nuqtadan kamida bittasi orqali o‘tuvchi to'g'ri chiziq chizadi. Keyingi o‘yinchi o‘z navbatida, avvalgi o‘yinchi chizgan chiziq ustida joylashgan nuqtalardan biri orqali yana koordinata o‘qlaridan biriga parallel bo‘lgan yangi chiziq chizadi. Bir chiziqni qayta chizish mumkin emas. O‘z navbatida hech qanday yangi chiziq chiza olmagan o‘yinchi mag‘lub bo‘ladi.

Sizning vazifangiz – optimal strategiya bilan o‘ynalganda, kim g‘olib bo‘lishini aniqlashdir.

Birinchi qatorda musbat butun son \(N(1\le N\le 10^4)\) – nuqtalar soni beriladi. Keyingi N ta qatorda har bir nuqtaning koordinatalari \(X\) va \(Y\) butun sonlari orqali beriladi \((1\le X, Y\le 500)\).

Yagona qatorda o‘yinda g‘olib bo‘ladigan o‘yinchining ismini chiqaring ("Mirzabek" yoki "Sardorbek").